247
diam di dalem kebonnja, dengan sabentar dia poenja, hati terkedjoet lantas dia itoengin dengan djaridii tangannja kemoedian dapet taoe jang bintang Boe Giok dapet soesah terboenoeh oleh orang Seh Siauw baiklah kita bri toeloengan, biar dia orang pada blakang hari membantoe pada negri, lantas dia soeroe orangnja soewatoe anak ketjil, tersoenglap djadi ini hari maoe ambil maitnja Goei Liat lepasin iket lehernja dan minoemin obat dari dewa.
Di sitoe djoega Goei Iiat mendjadi idoep kombali dan ketemoe pada Hwat Go Sian Soe, dengan membilang banjak trima kasi jang dia soedah bri toeloengan di atas djiwanja, serenta Goei Liat minta soepaija dapet peladjaran ilmoe dari Hwat Go Sian Soe.
Dengan segala soeka hati, kata Hwat Go Sian Soe, kaloe Kong Tjoe soeka, kita harep biar Kong Tjoe tinggal pada saija di ini goenoeng, dan nanti kita adjarin dari segala ilmoe.
Tjerita kombali, Lioe Thaij Thaij serenta liat mata hari soedah petang dan belon dapet liat Goei Liat dateng begitoe sampe besok pagi, lantas soeroe tjari di kanan kiri, tetapi tida bisa dapet.
Lantas boedjang jang djaga pintoe membri taoe
