246
dia ada di dalem roema Soetji Tjiouw Khing Si, dapet liat Siauw Soe Ko berlari noengsang djempalik, dia poenja hati mendjadi enak dan taro tjemboeroean begimana begini malem, Siauw Soe Ko berboeat kelakoean demikian, lantas sadja So Po lari di roemanja Siauw Soe Ko akan mengintip.
Siauw Soe Ko doedoek bersama bininja dan adenja prampoean, dengan girang-girang hati minoem arak dan membagi oewang perak dari Goei Liat tadi.
Itoe prampoean dara menanja; Ko! Ko! itoe mait Ko Ko lempar di mana?
Akoe lempar sedjatonja sadja ! kata Siauw Soe Ko.
Saija dengar itoe Goei Liat misi ada familie dari Lioe Siang Kok (Papanja Lioe Si Djoen) kata prampoean dara itoe.
Itoe So Po serenta dengar itoe perkataan lantas dia timboel maranja dan berpikir, mendjadi familie dari Lioe Taij IJa jang dapet tjilaka dari ini bangsat Siauw Soe Ko, baik besok pagi kita oeroesin ini perkara, dan pada itoe malem So Po tjari di kanan kiri itoe mait, tetapi tida bisa dapet.
Tjerita goenoeng Batauw San ada 1 Hwat Go Sion Soe (orang berilmoe) pada itoe hari doedoek
