LIAUW TJAY.
63
hari Tang He Soe lantas djadi moenta dara troes mati. Sasoedanja Tang He Soe mati, maka itoe prampoean siloeman taroh maitnja Tang He Soe di dalem peti dan lantas ia bawa di koeboer.
Tjerita Ong Kioe Seng serta ia dengar Tang He Soe soedah mati, begitoe djoega Ong Kioe Seng dateng di roemahnja Tang He Soe, serta Ong Kioe Seng lihat itoe prampoean siloeman poenja roepa tjakep sekali, mendjadi soeka hati maoe kendakin sama itoe prampoean siloeman, begitoe djoega itoe prampoean siloeman berkata: Saja amat tjinta sama saja poenja soewami Tang He Soe, begimana saja poenja soewami mati belon brapa lama lantas ikoet sama lain orang bakal laki lagi sebab tempo Tang He Soe masi hidoep ia tjoeriga saja siloeman, maka ini hari dia sakit mendjadi mati.
Saja atsal anak orang baek-baek dan mengarti peratoerannja manoesia, djikaloe saja lantas ikoet sama Ong Kong Tjoe bakal laki lagi, tentoe saja mendjadi maloe boeat kete moe sama lain orang.
Serta Ong Kioe Seng dengar djadi tertawa sembari berkata: Nona saorang moeda serta roepa tjakap, ini waktoe nona poenja laki soedah meninggal doenia misti nona tjari laki lagi, sebab saja soeka sama nona saorang bakal bini perbaek, boekannja saja maoe boeat main gila sadja, kenapa nona tampik saja poenja permintaän?
Serta itoe prampoean siloeman dengar Ong Kioe Seng poenja perkatahan, ia poen mesem moekanja dan ia lantas toeroet Ong Kioe Seng djadi laki bini.
Kemoedian di tjeritaken sasoedah Ong Kioe Seng beristri sama itoe prampoean siloeman, waktoe malem ia tidoer mengimpi ketemoe sama Tang He Soe, adapoen di dalem impiannja Ong Kioe Seng, itoe Tang He Soe berkata saja mati lantaran kena itoe prampoean siloeman rase keniaja saja poenja djiwa, antero hari itoe prampoen siloeman adjak saja plesir, djikaloe saja tiada maoe toeroet, itoe prampoean siloeman mendjadi mara sama saja dateng kasi taoe sama sobat, djoega sobat djangan boeka ini resia, antero hari sobat boleh bakar doepa jang wangie di dalem roemah sobat di dalem toedjoe hari sobat boleh dapet tahoe, saja poenja pesenan sobat djangan loepa. Sasoedahnja Ong Kioe Seng dengar Tang He Soe poenja perkatahan, lantas Ong Kioe Seng mendoesin sembari berpikir, serta sampe besok paginja Ong Kioe Seng kasi tahoe sama itoe prampoean siloeman, katanja: Sekarang saja ada sakit, saja maoe tidoer di lain kamar nona boleh tidoer sendiri di dalem kamar.
Lantas itoe prampoean siloeman berkata: Djikaloe manoesia tinggal berdjodoan sama dia poenja istri, meloepain orang poenja ketjintaan, djikaloe tiada mati tentoelah hidoep. Sasoedahnja itoe prampoean siloeman abis bitjara djadi tertawa.
Setelah Ong Kioe Seng dengar itoe prampoean siloeman poenja perkatahan, ia pikirin tiada bisa soedah, begitoe djoega Ong Kioe Seng tidoer di lain kamar hingga antero malem ia pasang doepa jang wangi di dalem kamarnja sendiri.
