LIAUW TJAY.
57
Kerna peroentoengan saja belon misti saja mati maka Toehan Allah kasi saja hidoep koembali di dalem doenia. Sahabisnja Tjeng Tjoe Sian Seng bitjara begitoe, lantas ia berkata lagi sembari tangannja menoendjoek: Tjobah Sio Tjiah lihat itoe orang jang mendatengin ia lah barang jang baroe serta tjakap orangnja atsal toeroenan orang hartawan.
Serta Tian Sie berbalik kepalanja maka ia lihat betoel itoe Kong Tjoe bersama itoe boedak lagi mendatengin, hingga Tian Sie mendjadi kaget hatinja, serta Tian Sie lihat Tjeng Tjoe Sian Seng soedah tiada ada di medja, sebab Tjeng Tjoe Sian Seng soedah menghilang. Lantaran itoe Tian Sie mendjadi maloe, dan lantas ia masoek di dalem kamarnja di sitoe ia lantas gantoeng dirinja sampe mendjadi mati. Sasoedahnja Tian Sie mati lantaran gantoeng diri, lantas Tjeng Tjoe Sian Seng masoeken maitnja Tian Sie di dalem peti mati sembari Tjeng Tjoe Sian Seng berkata: Angkaoe mati kami jang tanem, kami mati angkaoe tjari laki jang djaja, angkaoe belon mendjadi senang soedah mendjadi paja, maka saorang prampoean poenja bitjara tiada boleh di tentoeken dia poenja ingetan, kendatinja manis dia poenja bitjara djangan di pertjaja dia poenja kelakoean, djikaloe dapet di goda oleh saorang lelaki jang djaja tentoe loepa sama laki jang paja, sekarang angkaoe belon dapet senang soedah dapet binasa lebi doeloe, misti kami bawa angkaoe poenja peti di dalem roemah bamboe. Sasoedahnja Tjeng Tjoe Sian Seng habis berkata-kata begitoe di depannja peti istrinja, lantas Tjeng Tjoe Sian Seng bawa itoe mait istrinja di masoeken di dalem roemah bamboe, sasoedahnja lantas Tjeng Tjoe Sian Seng bakar itoe roemah hingga bernjala besar sampe peti itoe toeroet anggoes mendjadi aboe, sasoedahnja itoe roemah dan itoe peti soedah angoes mendjadi aboe, lantas Tjeng Tjoe Sian Seng poelang di goenoeng toeroet dia poenja goeroe Lie Lo Koen, dan ia tiada ingetan maoe toeroen lagi di doenia, hanja ia tinggal di langit djadi dewa.
{{C|XVI
TJERITA ISTRINJA KHE HANG BERTJINTA-AN SAMA
SILOEMAN RASE, KHE HANG MERATJOENKEN ITOE.
Adalah ditjeritaken di negri Tjoh Kok di sitoe ada saorang soedagar bernama Khe Hang, dan saban hari soedagar itoe pergi di lain negri boeat berdagang di sana.
Kebetoelan itoe satoe hari Khe Hang poenja istri tinggal sendirian di dalem roemah, tempo ia lagi tidoer dapet mengimpi seperti dia poenja soewami sama-sama tidoer. Serta besok paginja ia bangoen dari tidoernja di liatnja pintoe kamar belon terboeka soedah tiada ada orangnja.
Kemoedian pada sorenja Khe Hang poenja istri maoe tidoer, ia panggil anaknja lelaki adjak tidoer sama-sama. Di waktoe tengah
