8
LIAUW TJAY.
lantas masoek di dalem itoe kamar, tetapi di dalem itoe kamar tiada ada lain orang lagi, melainkan tjoema itoe prampoean moeda sadja sendirian ada di sitoe, maka Tjoe Hauw Liam lantas toetoep itoe pintoe kamar, hingga sampe doea hari lamanja Tjoe Hauw Liam doedoek sama itoe anak prampoean di dalem itoe kamar, dengan Tjoe Hauw Liam adjak bertjanda serta kloearin perkatahan jang manis di depannja itoe anak prampoean, katanja: Sekarang nona soeda besar, itoe ramboet belon bisa beres, kenapa nona tiada maoe lekas besisir soepaja timboel lebi tjakap nona poenja tampang moeka.
Tempo itoe anak prampoean danger perkatahannja Tjoe Hauw Liam, bermoela ia tiada bisa bitjara, tetapi kamoedian ia lantas berkata: Saja di sini ada saja poenja intji dan ade prampoean, djangan Siang Kong tinggal lama-lama di sini. saja slempang nanti orang dapet taoe mendjadi tertawaan.
Serta Tjoe Hauw Liam liat itoe anak prampoean semingkin lama timboel dia poenja tjahaja jang amat manis dan di kiri kanannja tiada ada satoe orang, maka Tjoe Hauw Liam poenja hati djadi timboel sanget birahinja lantas ia maoe bikin pakerdjahan resia sama itoe anak prampoean jang ada di dalem itoe kamar, tempo Tjoe Hauw Liam timboel ingetan begitoe roepa, kaget terkoenjoeng-koenjoeng ada kadengeran di loear itoe kamar ada soeara orang dateng panggil. Lantas itoe anak prampoean kaget troes ia bangoen dari krosi bersama-sama Tjoe Hauw Liam dan dia orang berdoea lantas mengintip dari samping itoe kamar, maka di liatnja ada saoeorang moekanja item dan tangannja pegang rante serta banjak bawa anak prampoean jang masing-masing soedah di rante, lantas itoe orang moeka item berkata dengan soeara jang amat njaring katanja: Djikaloe maoe simpen orang jang toeroen di doenia kaloe boekannja angkau poenja sanak soedara tentoe tiada sama dia poenja perkatahan kenapa di simpen tiada maoe di kasi kloear !
Tatkala itoe lantas ada melekat Thio Hong berkata sama Tjoe Hauw Liam: Sekarang angkau bole tjepet semboeni di kolong randjang di sitoe angkaoe bole boeka satoe tembok troes lari.
Serta Tjoe Hauw Liam denger pengadjarannja melekat Thio Hong itoe, lantas Tjoe Hauw Liam masoek di kolong itoe randjang bersemboeni di sitoe dengan tiada brani bersoeara. Sentara lamanja kedengeran orang tarik kasoet masoek di dalem itoe kamar, sasoedanja itoe orang masoek di dalem itoe kamar soearanja rame di loear pintoe kamar banjak orang bitjara di kiri kanannja loear pintoe kamar, Tjoe Hauw Liam jang dapet denger dari soeara-soeara itoe, ia poen djadi kesima dengan ketakoetan sadja. Tetapi Tjoe Hauw Liam inget kesian sama itoe anak prampoean sampe kapan dia dateng koembali boeat ketemoe lagi.
Tempo soeara-soeara itoe soedah mendjadi sepi, maka Tjoe Hauw Liam lantas kloear dari itoe kamar dan ia lantas tjari dia poenja sobat Beng Liong Tam soedah tiada ada di dalem itoe gredja, djadi
