6
LIAUW TJAY.
boeat minta ampoen dari perkara jang Sioe Tjaij soedah berboeat barangkali Sioe Tjaij poenja mata sondor obat boleh mendjadi baik.
Tempo Kho Seng denger pengadjarannja itoe orang, ia poen mendjadi soeka hati, maka Kho Seng saban hari ambil itoe kitab Keng serta di batjanja dengan bersoedjoet pagi dan sore pada Toehan jang Maha Koewasa. sentara lamania kaget Kho Sen? merasa matanja jang seblah kiri ada kloear soeatoe barang apa-apa, ia itoe soedah kloear dan matanja satoe lalar item dan matanja jang seblah kanan kloear hawa seperti orang tidoer baroe mendoesin dan lagi di dalem dia poenja idoeng berasa gatel kaja ada barang jang maoe kloear balik masoek ka dalem dia poenja bidji mata. Dari itoe Kho Seng berkata pada istrinja: soedah berapa lama jang kita sakit mata tiada bisa liat di kebon kembang tjoelan, sekarang kita poenja mata tiada bisa meliat, sama siapa kita menanja.
Lantas istrinja berkata: Itoe kembang sama boeaboeahan samoea soedah djadi kering dan lagi heran sekali di dalem kamar kliatan ada satoe anak ketjil, sedari itoe anak ketjil kloear sampe sekarang tiada ketahoean kemana perginja dan di dalem itoe doewa tiga hari seperti tawon terbang masoek di sarangnja, di kiri kanan kedengeran soearanja orang di dalem itoe kamar tapi tiada ada satoe manoesia jang kliatan.
Lantas Kho Seng berkata: Soedah berapa hari ini mata kita bisa djoega meliat sebrapa roepa barang mendjadi trang, dari itoe maka kita bisa djoega boeat preksa perkara roemah tangga.
Lantas le Soe Sie istrinja Kho Seng berkata padanja: Di dalem kampoeng ada satoe orang jang mengarti serta berpangkat Sioe Tjaij tempo ia lagi berdjalan boeat pergi preksa iboe bapanja poenja koeboeran ia ketemoe satoe prampoean moeda di dalem satoe kreta, lantas itoe Sioe Tjaij kloearin tingka jang tiada senonoh serta adjak bertjanda sembari berkata, tjakep sekali ini prampoean jang ada di dalem ini kretra. Maka ini hari dia dapet binasa dia poenja mata djadi sakit sampe bebrapa hari lamanja.
Serta Kho Seng denger istrinja poenja perkatahan jang dengen menjindir padanja, lantas Kho Song berkata: Itoe djamak orang plesir di dalem doenia, siapa jang boleh doega bisa dapet ini ketjilakaan. Sadoedanja abis bitjara masing-masing tinggal tertawa sadja.
Memang di waktoe ini Kho Seng poenja istri sa-orang prampoean jang alim, boedjoek ia poenja soeami soepaja djadi orang jang alim poenja ingetan. Djangan kira di dalem doenia sa-orang jang moeda berpandang lain orang poenja anak bini, tiada tahoe di blakang hari dapet pembalesannja dengen bahaja kedjahatan.
Memang itoe prampoean dari kota Phoe Jong orang tiada tahoe apa melekat jang menjaroe djadi prampoean jang tjakep itoe, sebetoelnja jang menjaroe djadi itoe prampoean tjakap maoe tjoba hatinja Kho Seng jang soedah pegang pangkat mendjadi Shoe Tjaij, saking girangnja Kho Seng poenja hati, maka soedah tiada
