60
bangkoe-bangkoe dari marmer, di mana soedah ada teratoer delapan peti orang mati dari pada tima. Dia batja: Markies de Saint'Mèran, jang tertoelis dengen tjat poeti dari loewar peti. O! ini dia mertoewanja akoe poenja papa, mertoewanja de Villefort dari ietrinja jang portama. Sa-orang bangsawan jang sampe matinja, sampe di dalem koeboer sekalipoen, misti membawa kabesaran. Sembaring berkata-kata begini, maka Benedetto djalanin pabatnja di antara toetoep peti, maka terboekalah toetoep peti itoe. Barang terboeka, Benedetto dapet liat mait di dalem peti itoe dengen berpake pakejan montereng bersama'sama bebrapa bintang jang mahal'mahal. Benedetto ambil semoewa bintang-bintang jang tertaboer intan barliant, abis dia toetoep lagi itoe peti dan dia menjebelah di mana dia batja di loe war peti tertoelis nama: Njonja de Saint Meran. Benedetto poen boeka djoega ini peti. Barang terboeka, maka Benedetto bilang dalem ati' nja. Ach, sabagimana bagoes pakejan dan peribasanmoe. Angkau ini beipakejan seperti orang jang hen dak pegi bertemoe padri jang misti kasi kawin padamoe, dan boekan aken pegi mengadap hakimmoe jang termoelia, jang tida pandang pakejan, pangkat dan kabeearan. Njatalah sebegimana besar ka banggaanmoe di waktoe angkau masih idoep, hingga di sini sekalipoen, angkau masih maoe berhias seperti penganten. Tjintjin-tjintjin dan perihasan laen laen dari pada mait itoe, di ambil oleh Benedetto, abis bagitoe dia peg:i ka peti nommor tiga, djoega akeii merampiis perihasannja mait itoe. Benedetto telah membatja:
