— 1190 —
boekan poelang ka Tin Kok Hoe sebagimana jang Hok Tjoen prenta, hanja ka Ho Hap Po pada Bauw Dji Hoa.
Pembatja tentoe blon mendapet taoe tentang perboeatan boesoek jang telah di perboeat oleh Bauw Si selama Hok Tjoen ada di loearan, maka sablonnja kita menoetoerken kabar apa Bauw Hian nanti sampeken pada madjikannja, baeklah kita selidikin perkara apa itoe prempoean doerhaka soeda kerdjaken.
Sasoeda ajah dan iboenja meninggal doenia blon brapa lama, itoe tempo Dji Hoa telah dapet kisikannja Joe Kong, itoe orang jang pertama kali telah pregokin ia poenja perhoeboengan resia sama Hok Tjoen. Ini orang moeda memang ada menaro tjinta padanja sedari masi prawan, tapi lantaran ia saorang miskin, maka sabegitoe lama ia tjoema tanggoeng sadja pengrasa'an tjinta, tapi tiada bisa berboeat apa-apa jang menjoekoepin kainginannja.
Dengen oendjoek itoe soerat jang di teeken oleh Dji Hoa dan berikoetken djoega antjeman keras, Joe Kong soeda bisa dapet tempat dalem hatinja itoe prempoean doerhaka dan di loear taoenja Hok Tjoen, ini doea orang sering bikin pertemoean dan lakoeken perboeatan binatang.
Soeda tentoe sadja lelaki jang blakangan ada lebi menarik hatinja itoe prempoean doerhaka dari
