— 1189 —
akoe maoe soepaja ia bisa toeroet akoe poenja kahendak, dan bila ia masi menolak, akoe maoe gantoeng dan poekoel padanja. Pendeknja sabegitoe lama ia membanta, sabegitoe lama djoega akoe djalanken seksa’an atas dirinja. Tapi di sini akoe peringetken kombali, Hian, ini perkara sekali-kali kau djangan kasi taoe sama Bauw Si; kaloe dalem ini oeroesan kau toeroet betoel sebagimana jang akoe poenja pesenan, djangan kwatir, akoe nanti kasi banjak persen padamoe."
„Baek Siangkong," saoet Bauw Hian. „Djadi sekarang akoe mendarat di sini sadja?"
„Betoel. Pergilah beresken akoe poenja prenta!" kata Hok Tjoen dengen kelakoean sebagi satoe radja pada hambanja.
Kendati poen Bauw Hian kaliatan soeka toeroet prentanja itoe keparat, tapi hatinja ada mamikir laen. la pikir, kaloe toeroet betoel sebagimana Hok Tjoen poenja pesenan, ia kwatir kamoedian Bauw Sie dapet kabar selentingan dan tentoe dirinja bakal djadi oepat tjatjinja itoe noną madjikan jang terkenal galak, sama Hok Tjoen, betoel ia mengikoet ka sana ka mari, tapi orang itoe boekan madjikan sedjati, maka ia pikir sala sekali kaloe belaken kasenangan laen orang sebaliknja meroegiken madjikan sendiri.
Sasoeda dapet pikiran degitoe, Bauw Hian
