— 1182 —
Mait menoesia terletak di segala tempat, swara tangis dan ratapan orang siapa jang denger tentoe djadi mengenes.
Seabisnja bikin penjerangan dan rampas miliknja pendoedoek negri, jang sabenernja sekali-kali tiada berdosa, itoe kawanan begal sigra pergi ka gedong Tikoan. Satoe penjerangan keras pada gedongnja Tikoan lantas terdjadi seperti djoega jang laen-laen, kombali di sitoe telah terdjadi satoe pemboenoean jang boeas.
Jam Tikoan swami istri, Kongtjoe dan Siotjia serta banjak poela boedjang-boedjang dan opas, satoe persatoe telah di boenoe dengen tiada di katjoealiken.
Orang-orang Militaire dalem ini kariboetan sama sekali tiada kasi liat marika poenja pertoeloengan jang perloe. la orang sama sekali tiada dapet doegahan kaloe itoe malem bakal terdjadi satoe penjerangan begitoe heibat, jang berachir satoe karoesakan besar jang baroe perna dirasa oleh pendoedoek di Djin Ho Koan. Lagi dari brapa hari jang laloe tiada kaliatan ada gerakan apa-apa jang membikin marika menaro tjoeriga, maka tiada oėsa heran kaloe dalem ini hal penjerangannja itoe kawanan begal tiada dapet ditjega. Malahan boekan sedikit orang-orang Militaire telah di boenoe mati lantaran di dalem kagoegoepan.
