— 1660 —
ilang dan So Nio djadi bersangsara. la rasa itoe doea orang tentoe ada taoe baek bagi itoe semoea orang.
Beroentoeng itoe tempo doea orang itoe belon di djalanken hoekoemannja, jang mana dengen perantara'an ajahnja ia soeda dapet idjin dari Baginda boeat bawa itoe doea orang ka gedong Tin Kok Hoe pada waktoe itoe djoega.
Badannja Soen Nio itoe waktoe soeda djadi sanget koeroes, moekanja koening, satoe tanda banjak kasengsarahan hati ada menindi pada itoe njonja roema jang lema. Dengen keada'an lemes ia di hadepken pada Bong Loan dan Lee Hoedjin, hingga itoe njonja di hadepken pada orang-orang itoe merasa seperti badannnja soeda tiada bernjawa.
Setjara sabar Bong Loan lantas moelai menanjaken hal hal jang terdjadi dalem gedong Tin Kok Hoe, lebi djaoe ia menanja, begimana Soen Nio katanja soeda berdaja oepaja boeat kangkangin harta bandanja familie Ko.
Koetika belon abis Bong Loan oetjapken pertanja'annja, Djim Po di loear lantas berkata: „Kaloe Nio Nio tanjaken apa-apa pada Hok Hoe-djin tiada nanti dapet ketrangan sebagimana jangdi harep. Kenapatah tiada maoe tanja akoe, jang tentoe djoega bisa mengasi segala apa jang di ingin?"
Bong Loan silaken itoe prempoean toea masoek ka dalem.
„Jang membikin akoe panggil kau orang dateng di sini, memang perloe akoe ingin mendapet taoe begimana soeda terbit itoe pentjoerian atas dirinja
