— 1404 —
Prihal Ko Kongtjoe poenja peladjaran silat, sebagian besar ada terpimpin oleh Tjo Goanswe."
Sedeng kata begitoe, Sioe Tji menoendjoek pada itoe orang moeda.
Dengen itoe ketrangan, baroelah Kioe Tjian- swe dapet selidikin itoe perkara sampe terang betoel. Song In sasoedanja mendenger itoe samoea, lantas boeroe-boeroe berloetoet pada Ko Kong, dan itoe orang bangsawan bangoenken anaknja itoe, ia pelok dan achir-achir berdoea lantas menangis tersedoe-sedoe.
The Koen djoega toeroet menangis.
Tapi tiada loepa haroes di seboetken djoega, bahoea menangisnja marika itoe adalah lantaran ferbit dari pengrasahan girang.
Kamodian itoe ajah dan anak lantas mengoetjap trima kasi pada Kioe Tjianswe, jang sabaliknja laloe membri slamet pada itoe doea orang, perboeatan mana di toeroet djoega oleh sekalian ponggawanja.
Ko Kong sigra berpaling pada Djim Sioe Tji seraja berkata: Sasoenggoenja haroes di bilang akoe ini saorang jang tiada beroentoeng, kerna selaennja akoe sendiri menampak ini kasoekerannja, adalah oeroesan dalem roema tangga djadi telantar, sampe anak sendiri alamken berbagi-bagi kasengsara'an. Beroentoeng ada Gie Soe jang membri pertoeloengan, lindoengken anakkoe
