— 1124 —
lagi Soen Nio: "Tapi apa kau taoe begimana ia soeda samboet akoe poenja pengadjaran? Oh... Allah!.... Akoe baroe perna liat dan denger satoe prempoean jang begitoe brani dan ketoes! Ia oendjoek koerang adjarnjn begitoe roepa; mendadak sonták tjari kandaran dan poelang, koetika mana ada di tonton oleh orang banjak tetangga kita, hingga akoe poenja moeka rasa.
Setelah berkata sampe di sitoe Soen Nio lantas tekap moekanja sendiri dan menangis tersedoe-sedoe. Hok Tjoen boeroe-boeroe berloetoet seraja berkata: „Dengen meliat akoe poenja moeka harep Taij-Taij soeka membri ampoen. Esok pagi akoe nanti pergi ka sana; bertaoeken pada ajah dan iboenja tentang ia poenja perboeatan dan kelakoean jang tiada pantes, djoega akoe nanti adjak balik kombali dan ia sendiri akoe nanti prenta minta maaf pada Taij-Taij. Djoega akoe berdjandji, seande kata la orang tiada maoe denger akoe poenja pikiran, tegesnja maoe menang sendiri, istri tinggal tiada nanti akoe tengok lagi!"
Soen Nio denger begitoe djadi dapet doea pengrasaän doeka dan girang, ia lantas bangoen- ken Hok Tjoen seraja berkata: „Dengen ini nikaän, jang telah terdjadi atas pemilianmoe sendiri, sabenernja akoe ada menaro harepan kau bisa idoep beroentoeng, tapi siapa kira itoe ada pengharepan kosong. Prempoean jang sema-
