— 1383 —
pintoe, membikin si Gagoe djadi tamba mendongkol. Satoe memaksa laen menjega, achir-achir telah djadi satoe perbantahan antara jang bisa bitjara.
Swara riboet di loear telah kadengeran sampe kadalem, di mana Ong Ya dan sekalian orang- orang berpangkat lagi doedoek makan minoem.
„Apa itoe riboet-riboet?" menanja Kioe Tjianswe pada hamba-hambanja.
„Di loear tiada ada orang laen, selaennja oppas- oppas djaga." Saoet jang di tanja.
„Tjoba pergi preksa," kata põela Kioe Tjianswe pada sala satoe Taij Kam jang berdiri di dampingnja,,bri taoe pada itoe oppas djaga marika tiada boleh bikin riboet.
Taij Kam jang di pernta lantas berlaloe, tapi tiada lama balik lagi. la mendjoera pada Kioe Tjianswe, seraja berkata: „Di loear ada satoe orang gagoe, jang tiada taoe dengen maksoed apa ia hendak memaksa maoe masoek ka dalem, oppas- oppas telah tjega kahendaknja dan djadi riboet."
Song In denger begitoe djadi kaget sekali, kerna ia doega tentoe Djikonja jang soeda riboet sama itoe oppas djaga. la lantas pergi ka loear, tiada lama ia masoek lagi; sembari berloetoet di hadepannja Kioe Tjianswe ia kata: „Lo Tjianswe, itoe orang gagoe jalah ada Siauwtjiang poenja soedara angkat. Sedari ketjil Siauwijiang telah kailangan
