— 1381 —
barisannja masoek ka dalem kota Tjoe Kat Shia, di mana kombali kedatengannja itoe kapala prang telah dibikin penjamboetan oleh Wie Wan Ong dan sekalian panglimanja.
Satoe pesta perdjamoean di astana Ong Hoe lantas dibikin, di mana ada di koendjoengken oleh banjak pembesar, teroetama Ko Kong, Tjo Goanswe serta sekalian panglima prangnja.
Djim Sioe Tji taoe bahoea itoe tempo Kong- tjoenja lagi doedoek 'makan minoem dalem gedong Ong Hoe, maka ia pikir, maoe toenggoe sampe kapan lagi kaloe boekannja di itoe waktoe jang baek, aken kenalken Song In dan ajahnja satoe dengen laen.
Begitoe dapet ini pikiran, si Gagoe sigra ambil boengkoesannja, ia gondol itoe dan terges masoek ka dalem pekarangan gedongnja Wie Wan Ong, di mana ada berkoempoel bebrapa pendjaga pintoe, Pada itoe bebrapa orang si Gagoe memanggoet selakoe orang membri hormat, samentara tangannja menoendjoek ka dalem.
„Kau maoe ka mana?" tanja itoe bebrapa orang djaga-djaga tiada dapet taoe kaloe orang itoe tiada bisa mengomong. Ini gedengnja Kioe Tjianswe; toe'pa di dalem ada banjak orang berkoempoel, jalah ini hari dibikin pesta besar."
Sedeng kata begitoe ini orang menoendjoek
