— 11 —
itoe ambil itoe bradjaq di moeka pintoenja benteng. Maski berbrapa brani djoega, toh pertjoema.
Habis bagitoe orang Atjee lama lama moendoer, beterejaq dan maki maki sadja. Dari belakang batang batang bamboe dan ketinggi-tingi-an tanah dija orang tinggal pasang sampej djadi pagi.
Kira kira poekoel 5 bagitoe kedengeran selompret kompenie, ada datang toeloengan. Dengan soeraq dan soeka hati teman teman ini di bawa kadalam benteng. Soldadoe soldadoe dari benteng djoega soedah tjapej, tetapi bajiknja tida ada banjak orang mati atawa loeka.
Tempo orang boeka pintoe, jang orang lihat doeloe satoe orang pakej poeti; tangannja satoe pegang bradjaq, jang lajin sender di tanah masi pegang klewangnja; kapala disender di pinggir bradjaq, matanja lihat ka pintoe sadja, dadanja antjoer kena pelor.
Bagitoe setan itoe soedah mati.
Sersan Wakidin jang doeloe soedah dapat bintang, sekarang terima bintang tandjong; tida bagitoe lama dija mati tempo kompeni mawoe ambil benteng Atjee, tetapi namanja dan kabrani-annja tida di loepa.
