TENTANG PRI KABEDJIKAN.
soedah bisa dibikin baek, hanja lantaran ada terdapet tangan koeat jang bisa tjegah gerakannja toekang bikin riboet. Tapi begitoe lekas itoe tangan jang dimaloein soedah tida ada lagi, kakaloetan moelai timboel kombali. Bangsa jang tadinja pendiam dan soeka dami, begitoe lekas merasa dirinja koeat, lantes maoe mendjagoin, djadi perampas negri dan toekang.menaloekin tetangga-tetangganja jang lebih lemah.
Sabagi tjonto bisa diliat, bagimana sekarang ini ada banjak diberdiriken di mana mana negri pakoempoelan-pakoempoelan jang hendak mendjaga perdamian dan koerangken persendjata'an. Ada banjak orang-orang pande jang bekerdja saoemoer hidoep meloeloe goena tjiptaken perdamian doenia. Tapi ichtiarnja itoe tinggal sia-sia, sebab marika tida bisa lawan manoesia poenja kaserakahan, hingga itoe „perdamian" tida ada artinja kapan kaserakahan masih meradjalela. Maka saorang jang kenal baek tabeatnja manoesia lebih oetamaken soeal menjegah manoesia poenja kaserakahan dengen mengadjär bagimana orang moesti hidoep saderhana, kerna kapan ini bisa didjalanken, katentreman nanti moentjoel sendiri. Inilah ada apa jang Lao Tze maksoedken dengen membilang „berdiri di atas apa jang kêkêr dan tida maoe mengindjek pada segaia bajangan." Saorang jang boediman, menoeroet Lao Tze, tida maoe boeang tenaga dengen pertjoemah aken berdiriken astana-astana dari pasir di tepi laoet jang sabentar sadja soedah moesna tersapoe ombak, la tida maoe tjapein hati boeat oeroesan jang tjoemah kaliatan bagoes dan menarik di loearnja, hanja pilih dan toengkoelin pakerdja'an jang maskipoen soerem dan orang ampir tida
163
