TAO TEH KING.
dibilang kabedjikan sedjati, masing masing menjinta dan menoeloeng pada sesama manoesia zonder di-ingetin lagi. Dan kapan orang moelai riboetin kaperloeannja pegang ka'adilan, itoelah boekan tandanja manoesia moelai sedar dan ingin berlakoe adil, hanja sabenernja lantaran pri dermawan soedah tida diperdoeliken lagi, kerna kapan manoesia masih oetamaken pri dermawan, jaitoe menjinta dan soeka menoeloeng pada sesamanja, dengen sendirinja marika nanti berlakoe pantes dan adil. Salandjoetnja, kapan orang banjak moelai iboekin bagimana moesti adaken atoeran dari kapantesan (Lee) itoe poen ada djadi alamat jang pri ka'adilan soedah diiles-iles, sebab kapan manoesia masih bisa berlakoe adil, tida perloe lagi diadjarin bagimana moesti pegang kapantesan, kerna dengen sendirinja marika nanti menjingkir dari segala perboeatan jang tida pantes. Maka Lao Tze anggep itoe segala atoeran dari kaberesan dan kasopanan tjoemah sabagi boekti atawa alamat dari doenia poenja kakaloetan. (Ajat 9-12).
Lao Tze sindir dan tertawain perboeatannja orang-orang pande dalem iapoenja djeman jang bergoelet keras boeat sampeken angen-angennja aken adaken kaberesan dalem doenia dengen goenaken segala matjem atoeran moraal, kapantesan dan kasopanan. Kasoedahannja toch doenia tinggal berdjalan seperti biasa, batin manoesia tida djadi lebih soetji, tapi soedah terang ada lebih palsoe, kerna itoe segala atoeran dari kasoetjian dan kapantesan kabanjakan tjoemah digoenaken sabagi alingan boeat semboeniken marika poenja kaboeroekan, Kaloe terkadang di salah-satoe tempo ini doenia kaliatan tentrem, itoelah boekan tandanja batin manoesia
114
