Manjawab Sutan Sari Alam, “Mukasuim datang ka mari, mancarikan paruik indak barisi, mancarikan pungguang indak basaok, karano kami alun biaso, tunjuak-tunjuak-i malah di Mamak.”
Bakato pulo Malin Saidi, “Lorong kapado Sari Alam, samo sikolah di Parabek, samo sasurau satampek diam.”
Sanan bakato pulo mamaknyo, “Bia dahulu indak manggaleh, balapeh panek sapakan iko, lieklah galeh nan ka lanteh angan.”
Urang padang mamunta banang
Dipunta dilipek-lipek
Dilipek lalu dipaduo;
Kalau dirantang inyo panjang
Elok dikumpa naknyi singkek
Diambiak sajo nan paguno.
Birawari Sutan Sari Alam, sarato bujang Malin Saidi, alah sabulan duo bulan, cukuik katigo bulan papek, dicubo manggaleh di Medan, manggaleh mudo lado bawang, bak karakok mamanjek batu, hiduik sagan mati tak namuah, pokok baransua habih juo, masuak ampek ka lua salapan, gadang pasak pado tiang, hilang aka kaduonyo.
Karantau disangko madang
Kironyo baluluah padi;
Marantsu disangko sanang
Kironyo barusuah hati.
Lai balati nan bak udang
Biluluak juo nan tatimbo
Tidak karuntuang den pangakan;
Lai den cinto nan bak urang
Nan buruak juo nan basuo
Indak untuang dipangakan.
Pitalah jo Bungo Tanjuang
Katigo jo Gunuang Rajo;
42
