Datuak Batuah, nan gadang si Gadih Ranti, nan ketek si Upiak Manih, urang Guci Pincuran Tujuah, dalam kampuang Sungai Talang."
Mandang kato Juru Tulih, sudah maklum dalam hati, dapek dipikek paja nantun, raso di bibia tapi cawan, pangana kapado si Gadih Ranti, raso di ruang-ruang mato.
Alah sudah kudo baranti, bajalan kudo hanyo lai, balarimanuju ka balai, iyolah balai karapatan sagalo niniak mamak, sagalo pangulu limo jorong.
Lahtibo cando Angku Kapalo, dianjua naiak ka dalam balai, tampak sagalo niniakmamak, Pangulu Andiko sam bilan suku, duduak bareda dalam balai.
Satu tibo Angku Kapalo, tagak urang mam bari salam, lah duduak Angku Kapalo, duduak di ateh lapiak bunta, di ateh kasua manggalo, sanan bakato Angku Kapalo.
"Mano sagalo Pangulu Kapalo, dangakan bana elok-elok, simakkan bana jaleh-jaleh, tibo parentah dari gaduang, parentah kareh Tuan Kumandua, tidak buliah mamintak bana, kato nan tidak buliah dijawek.
Dibaco surek dek Juru Tulih, sagalo balasting paralu diantakan, baitu juo uang rodi, buah kopi paralu diantakan, usah dijua ka urang Cino, baok ka gaduang Angku Pakuih, siapo nan tidak mambayia, buliah dipuruakkan ka dalam tangsi.
Lorong kapado uang balasting, aturan disita paralu disita, aturan dirampeh paralu dirampeh, tidak buliah batanguah tangguah, mano kamanakan tidak mambayia, buliah dijapuik jo polisi, atau sardadu dari tangsi."
Baitu parentah dari ateh, kato tidak buliah dijawab, gayuang nan tidak buliah basambuik. Alah sudah titian parentah, bajalan turun Angku Kapalo, diiriangkan urang nan banyak, naiak sakaliateh bendi, bendi dihalau babaliak pulang.
8
