PERINGETAN DARI TEMPO DOELOE.
lagi tida enak badan, di itoe sa’at lantes djatoh terpangsan.
Tatkala Tham Tjay sedar kombali ia dapetken dirinja sedeng rebah atas pembaringan dalem kamar dari roemahnja sendiri, dan dipasangnja lampoe listrik dalem itoe kamar menandaken hari soedah djadi malem. Di atas permadani jang tergelar di samping randjangnja ada doedoek Salim, iapoenja djongos, jang lagi menoenggoein.
Sasoedah tinggal bengong dengen pikiran kosong dan goerem sabentaran, Tham Tjay lantes inget pada pengalamannja di waktoe siang koetika pergi di Gang Tjendol. Bermoelali itoe peringetan ada samar dan terpoetoes-poetoes, tapi dengan perlahan telah koempoel kombali dan terpeta djelas satoe per gatoe, hal mana membikin hatinja berdebar keras, pikirannja poen bekerdja dengen tjepet, menjebabken ia tida betah lagi boeat tinggal rebah di atas itoe pembaringan, dan laloe bangoen berdoedoek.
Meliat gerakan dari toeannja jang soedah tersedar, Salim lantes berdiri dan menghampiri serta berkata : —„’Ba-besar, dokter bilang tida boleh bangoen, moesti rebah teroes.”
„Poekoel berapa sekarang ?” Tham Tjay menanja.
„Soedah djam sembilan malem, dan ’ba-besar koedoe minoem ini obat,” kata itoe jongos jang laloe ambil satoe flesch berisi obat aer jang ia lantes toeang ka satoe sendok dan sodorin itoe pada toeannja.
Sasoedah minoem obat Tham Tjay rebah kombali, dan menanja : — „Kapankah orang bawa akoe balik ka sini ?”
„Tadi sore djam lima,” itoe jongos menjaoet. „Koetika meliat ’ba besar tida inget orang, so-
86
