PERINGETAN DARI TEMPO DOELOE.
pir Oedin pergi panggil dokter langganan, jang dibawa dateng ka Kampoeng Tjendol, dan belakangan ia minta pindjem gotongan dari roemah sakit boeat bawa 'ba-besar kaloear dari itoe kampoeng, lantes dinaekin dalem auto dan teroes dibawa poelang ka sini. Sampe djam toedjoeh dokter baroe pergi dan berdjandji nanti sabentar djam sapoeloeh maoe datang tengok lagi.”
„Mana itoe njonja di Gang Tjendol — Sioe Nio dan anak prampoeannja — apakah iaorang tida toeroet?” menanja Tham Tjay.
„Tida”, saoet itoe jongos, „tapi pada sopir Oedin, tempo maoe berangkat dari roemahnja, ia ada kasih satoe pak soerat-soerat boeat baba besar batja kapan soedah semboeh. Itoe soeratkatanja ada penting sekalih, dan moesti didjaga djangan sampe ilang. Saja taro di atas itoe rak.”
„Bawa sini !” kata Tham Tjay, jang lantes mengarti disitoe moesti ada satoe kabaran, satoe pesanan atawa poen riwajat dari Sian Nio boeat disampeken pada iapoenja anak prampoean itoe, jang Tham Tjay sekarang insjaf, ada iapoenja anak sendiri. Dari sebab koetika Sian Nio meninggal itoe anak, Sioe Nio, oesianja belon anem taon, pastilah ia tida nanti bisa dapet taoe terang dan tinggal inget lelakon iboenja dengen Tham Tjay djikaloe Sian Nio tida tinggalken pesenan apa-apa beroepa soerat boeat dibatja kapan itoe anak soedah dewasa. Dan sekarang, dalem itoe boengkoesan soerat-soerat jang Sioe Nio serahkan pada iapoenja sopir, pastilah ada terdapet Sian Nio poenja antero riwajat, pesenan dan pengoetara an dari perasa'an hati, jang djoestroe ia sanget ingin dapet taoe, maskipoen bagimana sedikit dan samar, dan boeat maksoed mana ia
87
