PERINGETAN DARI TEMPO DOELOE.
Sian Nio pergi ka bawah poehoen jang gelap, dimana iaorang toeker pakean, menjamar sabagi orang priboemi, kerna di itoe zaman atoeran pasport masih berlakoe, dan orang Tionghoa lelaki atawa prampoean jang bikin perdjalanan dari satoe ka laen tempat dengen zonder pas, kaloe kataoean bisa ditahan oleh politie.
Sasoedah beres berdandan iaorang angkoetin barang-barangnja ka pinggir straat aken menoenggoe laen dokar tambangan jang liwat. Lantaran itoe tempat ada soenji, sampe satengah djam baroelah liwat satoe dokar jang kosong dengen apa marika landjoetken perdjalanannja boeat maboer. Tham Tjay perentah koetsier lariken itoe kandaran ka sqtoe tempat jang kira ampat pal djaoenja, di mana ada satoe halte ketjil boeat menoenggoe trein paling pagi jang bakal mampir disitoe.
Di itoe halte boleh dibilang kosong, tjoemah ada saorang priboemi toea sabagi pendjaga malem. Pada itoe orang Tham Tjay, dalem bahasa Soenda, memberi taoe ia hendak pergi ka Tjiandjoer, dan sebab kaloe berangkat djam 4 atawa 5 pagi sening toeroen oedjan, maka ia lebih soeka menoenggoe di halte soepaja tida katinggalan spoor. Itoe pendjaga terima baek ini katerangan, kerna antara orang priboemi ada djoega jang dateng di station spoor djaoe lebih doeloe dari temponja. Ia silahken Tham Tjay dan Sian Nio rebah di bangkoe jang dirapetin satoe sama laen, dengen pake marika poenja boentelan sabagi bantal, tapi iaorang tida bisa poeles kerna banjak soeal jang dipikirin.
Djam satengah lima loket kartjis diboeka,dan tida antara lama trein pertama jang menoedjoe ka Tjiandjoer mampir di itoe halte. Tham Tjay
54
