PERINGETAN DARI TEMPO DOELOE.
berdoea ada berdiam, dan harèp bisa lekas ketemoe lagi.
„Saja poenja barang perhiasan dan beberapa potong pakean saja ada bawa, tapi masih banjak jang saja tinggalken, harep mama toeloeng simpen sampe saja kasih taoe saja poenja adres jang tentoe.
Hormat dan soedjoet,
S!AN NIO.
Itoe doea soerat dimasoekin dalem satoe envelop dan diletakin di atas medja di pertengahan jang gampang kaliatan dan ditindihin sama tempat aboe roko. Komoedian, dengan membawa itoe beberapa koffer dan boengkoesan, Tham Tjay dan Sian Nio' bertindak ka loear, rapetin pintoe, lantes pergi ka straat, dimana ia ambil satoe dokar tambangan jang disoeroe menoedjoe ka itoe waroeng kopi. Sasoedah ambil iapoenja koffer dan boengkoesan jang dititipken disitoe, komoedian ia perentah koetsir lariken itoe kandaran ka djoeroesan sabelah oedik dan berenti di moeka satoe waroeng tjita ketjil, dimana Tham Tjay membeli doea saroeng, satoe selendang, satoe sapoetangan kepala, satoe tjelana komprang, satoe pasang teroempah, satoe pasang slof koelit, dan satoe badjoe tjita jang soedah
didjait. Komoedian ia perentah koetsir bawa kandarannja ka loear kota dengen melaloei tempat jang rada soenji. Di depan satoe pekarangan jang roemahnja terletak djaoe di dalem dan penoeh poehoen-poehoen jang alingin pemandangan, Tham Tjay adjak Sian Nio toeroen dari itoe kandaran sambil angkoet barang-barangnja seperti djoega iaorang hendak masoek ka itoe roemah. Sasoedah itoe dokar berlaloe, ia adjak
53
