PERINGETAN DARI TEMPO DOELOE.
annja sama owe ada begitoe rapet hingga kita satoe pada laen anggep sama dioega soedah djadi toendangan. Dan ini pertjinta'an tida bisa ditjeréken oleh itoe kadjadian jang tida enak, maka kita berdoea ambil poetoesan aken pergi menjingkir sama-sama ka tempat jang djaoe dan menoentoet pengliidoepan baroe, boeat mana owe dan Sian Nio moehoen entjek poenja maäf dan berkah soepaja kita berdoea tinggal selamet dan di belakang hari bisa membales boedinja orang toea.
„Itoe oewang jang ada di tangan entjek, kaloe soedah sedia, boleh serahken pada owe poenja tauwkee. itoe f 450 ada semengga-mengganja jang owe ambil dengen djalan menggelap, dan tida ada satoe cent jang owe pake goena kaperloean sendiri. Malah dari bermoelah owe telah ambil poetoesan pasti, kapan soedah menika dan bisa berdagang sendiri serta ada kalebihannja, itoe oewang kapoenja'an tauwkee owe maoe bajar poelang, maskipoen ia tida taoe owe ada pake oewangnja. Maka sekarang biarlah entjek toeloeng kombaliken sama sekalih, katjoeali itoe f 35 jang o w e pake boeat ongkos perdjalanan ka laen negri, dan owe nanti bajar poelang kaloe soedah dapet pakerdja'an.
„Owe poenja berangkat menjingkir bersama Sian Nio memang ada langgar atoeran, tapi ini soedah kadjadian atas iapoenja maoe, hendak toeroet atas soekanja sendiri. Saorang toea jang tjoekoep pengartian dan ternama baek dan haroem seperti entjek, tentoe mengarti, bahoea ada lebih baek kaloe ini oeroesan djangan diriboetin, hanja saberapa bisa dipegang resla, soepaja entjek dan entjim poenja nama tida toeroet tertjemer dan djadi boeah omongan orang kapan ka-
51
