PERINGETAN DARI TEMPO DOELOE.
sampe ini oeroesan djadi beres, atawa kaloe enko boenoeh diri, biarlah kita orang mati bersama-sama,” menetepken itoe gadis jang djoedjoer, tapi terlalo bodo boeat bisa insjaf tipoe dajanja itoe lelaki.
„Kaloe betoel begitoe enko aken bersoekoer sanget dan pandang Sian seperti satoe bidadari penoeloeng jang boekan sadja nanti samboeng enko poenja oemoer tapi djoega beriken pada enko itoe kaberoentoengan jang baroesan enko rasa telah terlinjap boeat selama-lamanja,“ Tham Tjay berpidato satjara mengoempak boeat djiret lebih keras hatinja itoe gadis jang soedah beräda dalem tjengkremannja. „Tapi kaloe Şian berniat dengen soenggoe hati boeat anter enko menjingkir, kita tida boleh ajal lagi. Sian haroes bersiap sabelon papanja poelang. Sekarang djoega haroes dikoempoel samoea pakean dan laen-laen barang jang perloe dibawa, teritoeng djoega perhiasannja, sebab enko tjoemah sedia itoe tigapoeloehlima roepiah jang tadi papa koempoel, boeat ongkos di djalan. Kaloe bepergian djaoe dengen herdoea'an dan tinggal lama di laen tempat, enko koeatir tida tjoekoep.”
„Baek, saja nanti koempoel dan bawa apa perhiasan jang ada,” saoet Sian Nio, jang lantes masoek ka dalem dengen tindakan tjepet boeat beresken barang-barangnja, samentara Tham Tjay doedoek menoelis satoe soerat jang memberi katerangan pada itoe bakal mertoea hal ia soedah menjingkir bersama Sian Nio, boenjinja begini:
„Entjek jang terhormat,
„Itoe oeroesan tida enak sama owe poenja tauwkee ada dari lantaran owe sanget tjinta dan ingin menika sama Sian Nio, jang perhoeboeng-
50
