PERINGETAN DARI TEMPO DOELOE.
maoe lantes serahken pada tauwkee.”
—„Ada, belon dipake satoe cent,” kata Seng Lie, jang lantes kaloearken dari sakoenja sadjoemblah oewang perakan tertjampoer tembaga jang diboentel sama sapoetangan, laloe diserahken pada Tham Tjay.
Sasoedah samboet dan kantongin itoe oewang, Tham Tjay berkata: — „Entjek djangan tidoer doeloe; apa bisa beres atawa tida owe nanti dateng lagi boeat kasih kabar lebih djaoe.”
Abis bilang begitoe ia bertindak dengen tjepet aken balik ka roemah soedaranja dengen ambil djalan dari pintoe belakang, laloe masoekin ka dalem satoe koffer dan satoe boengkoesan iapoenja beberapa potong pakean dan laen-laen barang jang perloe dipake sahari-hari, dan komoedian ia pergi ka straat, naek di satoe dokar tambangan jang lantes dilariken ka straat jang soenji dimana ada satoe waroeng kopi jang Tham Tjay sering koendjoengi, dan ia laloe titipken itoe koffer dan boengkoesan pakean. Komoedian ia toelis satoe soerat pendek, sama potlood, boenjinja :
„Entjek, itoe oeroesan ada harepan bisa beres. Harep entjek lantes dateng ka roemah tauwkee sekarang djoega, dan toenggoe disana sampe owe dateng dengen bawa oewang jang owe dapet pindjem dari satoe sobat.
Kiongtjhioe.
Tham Tjay.”
Komoedian ia panggil satoe katjoeng jang, dengen diberi oepahan 10 cent, disoeroe bawa itoe soerat pada Seng Lie, sedeng Tham Tjay poen toeroet sama-sama aken oendjoekin Seng Lie poenja roemah jang itoe katjoeng tida kenal, dengen dipesen wanti-wanti, kapan soedah so-
46
