PERINGETAN DARI TEMPO DOELOE.
Sian Nio, hingga antero pengharapan dan angenangennja bakal antjoer termoesna, sedeng dirinja sendiri terantjem aken masoek dalem pendjara. Kaioe hal samatjem ini kadjadian pada laen pamoeda, pastilah di itoe sa'at ia soedah meratap, minta dikasianin, mengakkoe kasalahannja, dàn memoehoen saboleh-boleh soepaja ditoeloengin. Tapi Tham Tjay jang tjerdik dan berhati angkoeh tida soeka merendahin diri begitoe roepa. Di itoe koetika dengen saklebatan ia dapet pikiran boeat lakoeken satoe perboeatan nekat jang dari satadian, salagi doedoek menoenggoe, memang ia soedah pikirin kapan oeroesannja tida bisa diberesin. Maka dengen sabar, ia berkata: — „Kaloe begitoe, entjek sekarang tida soeka tjampoer lagi boeat dapeiken kaberesan dengen owe poenja tauwkee ?"
„Akoe tida bisa tjampoer satoe perkara boesoek samatjem ini," saoet Seng Lie dengen tetep.
„Tapi bagimanakah djikaloe owe oeroes sendiri, dan tauwkee setoedjoe itoe oewang diganti boeat lima ratoes zonder ada oeroesan apa-apa lagi, apakah entjek soeka bikin satoe soerat perdjandjian aabagi tanggoengan boeat bajar itoe oewang pada tauwkee ?"
„Oh, itoe soedah tentoe !" saoet Seng Lie. „Akoe nanti bajar poelang salekasnja bisa. Akoe tida soeka pegangin lebih lama itoe oewang haram."
„Baeklah, 'tjek, owe maoe lantes pergi ketemoein pada tauwkee, dan kaloe bisa dapet ka beresan owe nanti minta entjek dateng ka sana di ini malem djoega boeat kasih itoe tanggoengan."
— „Baek, akoe menoenggoe."
— „Dan itoe oewang jang soedah sedia tigapoeloeh lima roepiah apakah masih ada? Owe
45
