PERINGETAN DARI TEMPO DOELOE.
ngen mata penoeh sympathie dan mengembeng aer. Achirnja ia berkata : —„Kaloe begitoe, ini samoea ada dari salahnja papa, jang soedah lantjang pake itoe oewang jang enko titipkan. Koetika papa moelai goenaken itoe oewang boeat tambah besarin dagangan, saja poen perna tanja, bagimana kiranja kaloe dengen mendadak enko minta kombali; tapi papa bilang enko soedah kasih kapastian itoe oewang tida bakal dipake apa-apa kaloe belon tjoekoep didjadiken kapitaal goena berdagang sendiri, boeat mana nanti di kasih taoe dari djaoe hari."
„Ach, ja, soedah sadja, apa boleh boeat, Sian," saoet Tham Tjay dengen soeara sedih. „Kaloe sampe dapet tjilaka dan akoe masoek boewi lantaran kasalahannja kaoe poenja papa jang soedah kena pake itoe oewang, akoe terima itoe nasif jang boeroek dengen sabar. Tjoemah akoe ada satoe perminta'an, jaitoe . . . . jaitoe . . . . Sian poenja hati djangan djadi bsrobah, dan tinggal taro tjinta dan sympathie seperti jang soedah-soedah. Apakah kaoe maoe djandjiken itoe ?"
„Saja ini boekan manoesia kaloe balik membentji pada saorang jang mendjadi korban dari kasalahannja saja poenja papa sendiri," menjaoet itoe gadis sambil menangis. „Djikaloe hoekoeman pendjara boleh diganti sama laen orang, saja bersedia boeat djadi enko poenja pengganti. Saja harep sadja kaloe papa sabentar balik, ini kasoekeran soedah bisa dibikin beres, tapi djikaloe djadi kapandjangan, saja maoe minta soepaja papa akkoein kasalahannja, biar ia jang masoek dalem boewi dan enko bisa terbebas."
Njatalah Sian Nio, jang djoedjoer dan tjinta pada kabeneran, soedah berada dalem anggepan keliroe lanfasan tida tjari taoe lebih doeloe apa
37
