PERINGETAN DARI TEMPO DOELOE.
nja djadi berhaisil, dan banjak kaoem boeroeh bisa dapet penghidoepan dalem itoe peroesaha'an, hingga djikaloe di mana-mana tempat ada berdiri firma-firma dan peroesaha'an Tionghoa jang madjoe dati tegoeh serta hidoep soeboer, dengan sendirinja nanti datengken kabaekan bagi siahwe Tionghoa saoemoemnja, dan tida kadapetan lagi begitoe banjak orang-orang werkloos dan melarat, kerna siapa jang maoe dan radjin serta pande bekerdja, tida kakoerangan pentjarian oentoek penghidoepan dalem kalangan bangsa sendiri.
Tham Tjay maoe toendjang kapitaal boekan sabagi rentenier, maski ia tida lepas kainginannja boeat menarik kaoentoengan dan mendjaga oewangnja soepaja tida ilang pertjoemah. Ia maoe menoendjang dengen ambil bagian sabagi pesero — oentoeng dan roegi sama-sama, boeat mana ia poen maoe dapet hak boeat bantoe pegang penilikan dan pimpinan. Tapi ia tida dapet kasempetan boeat djalanken itoe niatan, lantaran koetika dapet koempoel kakaja'an besar oesianja soedah keboeroe toea. toeboehnja lemah dan berpenjakitan, hingga terpaksa hidoep mengaso sabagi satoe invalid, saorang jang soedah megrèk atawa bedjat. Ia tjoemah bisa taro oewangnja dengen pegang aandeel-aandeel dâri berbagi-bagi peroesaha'an kapoenja'an bangsa Europa, boeat mana ia tida oesah pegang penilikan lagi, hanja toenggoe dividend satiap taon.
Gagalnja ini toedjoean jang soedah lama terbajang-dengen samar-samar di dalem ingetannja lantaran oesia toea dan berpenjakitan ; timboelnja perasa'an tida poeas atas apa jang tertampak di sapoeternja hingga ia tida soeka tjampoer orang; dan kakoekoehan jang tida bisa dirobah lagi sama kamaoean dan anggepannja sendiri,
22
