PERINGETAN DARI TEMPO DOLOE
ka'ada'an.
Tapi Ong Tham Tjay poenja pendapetan sendiri tida begitoe. Memang betoel dalem hal kakaja'an atawa kaoewangan la telah berhatsil bagoes, malah djaoe melebihin dari-pada apa jang perna dibajangin dalem angen-angennja koetika masih moeda. Ia poen insjaf, jang salandjoetnja ia traoesah moesti bergoelet lagi boeat mengedjer kaoentoengan, zonder koeatir kakoerangan hatsil boeat toentoet penghidoepan satjara pantes dan terhormat. Tapi kamerdika'an dalem hal oewang, tinggal dalem gedong indah, rawatan jang sampoerna dari boedjang-boedjang jang dibajar gadji tjoekoep, dan kalaloeasa'an boeat pergi pesiar atawa tjari kaplesiran segala roepa, tida bisa linjapken itoe kadjengkelan dari lantaran terganggoenja kawarasan jang disebabken oleh iapoenja oesia toea, dari kasepian dan kakeselan lantaran moesti hidoep sendirian, tida ada apa-apa di dampingnja jang memtjen hiboeran dan kagirangan.
Iapoenja otak, jang boeat ampatpoeloeh taon lamanja dipake memikirin teroes-meneroes segala matjem pakerdja'an dan daja oepaja boeat dapet kaoentoengan, sekarang seperti „kosong danmati," sasoedahnja dokter bilang ia moesti mengaso betoel-betoel dan djangan pikirin pakerdja'an lagi djikaloe masih ingin hidoep lebih lama ; Tham Tjay tida bisa toedjoeken pikirannja ka djoeroesan laen dari-pada berdagang dan mentjan kaoentoengan. Hatinja tida ketarik pada pembatja'an apa djoega, katjoeali kabaran jang berhoeboeng dengen oeroesan dagang atawa naek toeroennja koers aandeel-aandeel. Hatinja tida bisa ketanrik pada muziek, film, tooneel dan laen-laen tontonan jang bagitoe digemerin oleh banjak orang. Djoega
4
