PERINGETAN DARI TEMPO DOELOE.
Sian Nio, itoe machloek satoe satoenja jang akoe paling tjinta dan hargaken dalem ini kahidoepan.”
Pembitjara'an djadi terpoetoes oleh kadatengannja itoe notaris, pada siapa Tham Tjay lantes beri taoe maksoednja aken bikin satoe testament boeat waoisken sekalian miiiknja pada Sioe Nio, dan kasih persenan djoega pada iapoenja boedjang-boedjang jang setia, antara mana ada Salim dan Oedin jang masing-masing dapet legaat f 1000. Itoe notaris, sasoedahnja selese bikin tjatetan, berdjandji besok pagi djam 11 maoe dateng kombali bersama saksi-saksi boeat Tham Tjay taro tanda-tangannja di bawah itoe soerat testament.
Sasoedah itoe notaris berlaloe, Tham Tjay kaliatan merasa senang, dan malah bergoembirah. Ia pesen Oedin soepaja pagi-pagi ambil ia poenja doea tjoetjoe, Giok Nio dan Giok Phek, dan minta Sioe Nio di itoe malem menginep dan tidoer di atas divan dalem kamarnja.
„Brangkalih tjoemah ini satoe malem kaoe moesti djalai-iken kawadjiban dari satoe anak aken djaga dan rawat pada ajahmoe jang lagi sakit,” kata Tham Tjay pada itoe anak prampoean.
Ini omongan jang bersifat aneh bikin Sioe Nio djadi koeatir, maka sampe lat malem ia tinggal bergadang teroes, tapi komoedian hatinja melasa senang koetika meliat ajahnja tidoer njenjak dan menggeros.
Bagitoe poen pada besok paginja, harian Tjia-gwee Tjee-dji, Tham Tjay bisa dahar soesoe dan roti seperti biasa, sedeng dokter jang dateng melongok djam 9 pagi menjataken ka ada'annja soedah banjak baek. Koetika djam 11 notaris dengen doea pegawenja jang berlakoe sabagi saksi-saksi, dateng membawa itoe soerat testament,
106
