PERINGETAN DARI TEMPO DOELOE.
lantaran soedah keboeroe maboer. Inilah tandanja Tham Tjay poenja batin sabenernja tida djahat, dan kaloe ia sampe lakoeken perboeatan jang melanggar wet dan bertentangan dengen pri kadjoedjoeran, itoelah meloeloe dari saking kerasnja ia tjintaken akoe dan ingin soepaja kita bisa lekas menika dan tjari penghidoepan sendiri.
„Akoe toetoerken ini samoea pada kaoe, Sioe, soepaja djikaloe sa'andenja, di loear doega'an, Ong Tham Tjay masih hidoep dan satoe tempo kaoe bisa bertemoe pada ajahmoe itoe, djanganlah kaoe membentji dan hinaken padanja. Akoe sendiri mengira pasti ia soedah meninggal doenia, kerna menginget bagimana keras iapoenja tjinta padakoe, tida boleh djadi ia tinggal diam dan tida tjoba berhoeboeng atawa mentjari katerangan tentang nasifkoe sadari kita-orang tertjerei dengen begitoe mendadak, apalagi sebab ia taoe akoe sedeng hamil. Maka itoe akoe pesen dengen sanget pada tantekoe soepaja kaoe tinggal tetep pake she Ong, itoe nama kaoem dari ajahmoe, bersama siapa akoe perna itjipin, maski dengen sanget pendek, kaberoentoengan hidoep jang sasoenggoenja, seperti jang mendjadi angen-angen dan kenangannja sasoeatoe istri.”
Sampe disini Sioe Nio merandek, kerna Ong Tham Tjay jang mendegerin itoe penoetoeran dengen perhatian penoeh, telah djadi begitoe terharoe hingga lantes menangis sesenggoekan dan bertreak : „Adoeh, Sian, Sian, kekasihkoe! toenggoe sabentaran, akoe bersedia aken menjoesoel kaoe ka alam aloes boeat memberi penghiboeran pada kaoe poenja roh, dan boeat landjoetken kombali itoe kaberoentoengan jang telah terpoetoes dengen begitoe menjedihken!”
103
