PERINGETAN DARI TEMPO DOELOE.
dang soedah moestinja satoe istri bertoendoek pada soeami biarpoen diperlakoeken sawenang-wenang.
„Tapi di dalem hati akoe tida bisa terima baek itoe perlakoean, lantarandoeloe, koetika tinggal di Bandoeng satoe taon lamanja bersama Tham Tjay, akoe soedah perna itjipin djoega kasedepannja hidoep dengen satoe lelaki jang menjinta dan perhatiken betoel kabaekan dan kaberoentoengan istrinja. Maski Tham Tjay dipandang sabagi satoe pamoeda djahat dan boesoek, ia belon perna sedikit poen berboeat apa-apa jang menjakitken atawa membikin koerang senang, padakoe, jang ia hargaken tinggi dan menjinta dengen sadjoedjoernja hati. Djadinja di tangan itoe lelaki jang dipandang sabagi satoe bangsat, pentjoeri dan penipoe, akoę alamken kahidoepan seperti di dalem sorga, sedeng bersama Lim Sam jang diseboet ‘saorang baek-baek,’ akoe merasa seperti djoega terdjer oemoes ka dalem naraka!
„Sasoedah alamken kagetiran dan kasangsara an begini heibat di tangan Lim Sam, akoe poenja rasa membentji pada Tham Tjay tambah hari semingkin koerang. Kaloe doeloe ia bitjara djoesta dan sesatken akoe dengen bikin akoe pertjaja jang kasoekerannja meloeloe dari kasalahannja ajahkoe, itoelah soedah terang lantaran ia sanget menjinta dan ingin hidoep bersama akoe, jang memang soedah djadi seperti toendangan. Ia lakoeken itoe penipoean dan pentjoerian poen toedjoeannja ada boeat lekas menika padakoe dan berdagang sendiri. Koetika bekerdja di Bandoeng ia asik koempoel oewang dengen maksoed boeat mengganti itoe ‘pindjeman’ pada tauwkeenja jang ia tida bisa bajar
102
