„Sri padoeka, kaoe barangkali loepah jang badanmoe boekan berasal dari besi atawa wadja!”
„O, toewan doktor, kaloe kaoe bisa menimbang, bagimana haibat adanja ini kasoesahan jang menimpah akoe, nistjaja kaoe tida nanti kata demikian. O, Alah, Alah! kasiani akoe, ampoenilah padanja!”
„Biar bagimana djoega, Sri padoeka, kaoe misti sedikit senangken diri, soepaja kaoe tida toeroet-toeroetan mendjadi sakit.”
„Bener, Sri padoeka, kaoe misti sedikit mengasoh! Kita-orang nanti lantas panggil padamoe, bilah ada sedikit sadja hal jang tida enak,” berkata Barones de Meaublanc, kamoedian laloe pegang tangan sobatnja, dan saparo menjongkoh, ia pimpin kaloear dari kamar.
Lagi sakali ia melolosken diri, dan mengamperi poelah randjang, dimana djantoeng hatinja jang baroe beroesia sapoeloe tahon, Graaf van Henegouwen, ada rebah dengen moeka poetjat sabagi mait. Ia pe-
