-414-
tinggalken pengatoeran beres koetika maoe brangkat ka acherat. Tida, sabelon ia wafat, lebi doeloe ia sebar bibit pertjidrahan. Antara ia poenja poetri-poetri ia terbiti perselesihan, antara anggota madjelis, antara minister-minister, antara hakim agoeng dalem negrinja, ia kobarken permoesoehan. Sekarang, dalem samoea golongan ada merasa lebi dari tjapeh, aken landjoetken teroes itoe pertjidrahan. Berbagi-bagi fihak jang bertentangan satoe pada laen, masing-masing maoe letaki iaorang poenja alat perselesihan.
Tapi apatah pemimpin-pemimpin karadjahan Belgie, jang sekarang tawarken 36 millioen frank pada Prinses Louise, Prinses Stephanie dan Prinses Clémentine, sabagi oewang boeat achirken itoe lelakon Harta peninggalan dari Sri Maha Radja Leopold, dengen sasoenggoenja ada lantaran berhati ingin perdamian? Kaloe orang boleh pertjaja itoe soerat, jang minister dari madjelis hoekoem, Carton de Wiart, kirim pada advocaat-advocaat dari poetri-poetri terseboet, nistjaja boleh dibilang, karadjahan Belgie tawarken
