-413-
baginda almarhoem, nanti dapet itoe bagian, jang mendjadi iaorang poenja milik jang sah!
PENOETOEP.
Baek hal wafatnja, baek poen hal harta peninggalannja Radja Leopold, banjak telah dibitjaraken oleh soerat-soerat kabar di saloeroe doenia. Antaranja, ada toelisannja correspondent dari Berlin Tageblatt di Brussel, jang dimoeat salinannja dalem soerat kabar Soerabaiasch-Handelsblad, jang terbit pada 22 Februari 1913. Boenjinja ada seperti di bawa ini:
Soeda tiga tahon lamanja mait Radja Leopold II rebah dalem koeboeran dari kaoem koelawarganja di Laeken, tapi sabegitoe lama namanja masi lebi banjak dibitjaraken oleh antero karahajatan Belgie dari radja jang sekarang memerenta. Kerna ia meninggalken poesakah pada negrinja, jang mendjadi boewa toetoernja orang banjak. Ia poelang ka rachmat Alah, boekan sabagi orang dan ajah, jang
