— 402 —
ada dikasi lari seperti terbang dan Paris menoedjoe ka Versailles.
Ha! kaloe orang ada poenja oewang, penghidoepan di doenia tida boleh dibilang terlaloe mendiengkeli hati," kata lelaki itoe sendirian dengen tertawa, seraja lepas dirinja di bantal jang empoek. „Tapi tjoba liat itoe toekang klontong di sana! Ia gendong begitoe banjak barang-barang, tentoe
boeat pergi ka satoe satoe roemah. aken djoeal sapotong saboen atawa satoe batang potlood. Brapa ia poenja pendapetan saban hari? Kasian, dalem penghidoepannja, ampir tida ada hari jang terang. Tapi, eh, dengen mendadak ia maoe menjebrang! Toenggoe, sobat, kaoe toch mengarti, jang automobiel dari toewan besar Durieux, tida nanti maoe menjingkir pada sasoeatoe orang
jang berdjalan kaki!"
Chauffeur boenjiken soeara trompet keras sekali, tapi itoe toekang klontong roepanja tida mendenger.
„Tjilaka betoel," kata Durieux, „siapa jang tida maoe denger, ia misti rasa!"
Baroe habis ia kata begitoe, lantas sadja kadengeran satoe soeara treak, dan kandaran sigra dikasi brenti dengen koenjoengköenjoeng, hingga Durieux mendjadi ter-
