— 384 —
veloppe jang masi tertoetoep, kamoedian laloe, berkata:
„Kaloe akoe ada perloe apa-apa, akoe nanti boenjiken lontjeng. Djika kapaksa, akoe nanti brangkat dengen kreta jang iebi laat. Tida ada soeatoe apa jang bikin akoe misti boeroe-boeroe."
Koetika Jerôme soeda berlaloe, prins laloe sowek itoe enveloppe, dan batja dengen tjepat sedikit perkatahan, jang ada ditoelis oleh Prinses Clémentine.
„Djadi, doktor-doktor soeda tida bisa harep lagi," kata ia dengen soeara berbisik. „Sigra, sigra djoega itoe besi palangan, jang bertempat diantara akoe dan ia, nanti terhilang! Orang kata, tida pantes sekali harepi orang poenja mati, dan akoe poen ada merasa djengah, tapi itoe rasa girang jang mengoendjoengi padakoe, akoe tida berkwasa boeat tolak kadatengannja. Brapa banjak tahon akoe soeda misti menoenggoe dengen sabar! Kaloe sadja ia maoe, soeda lama akoe dobrak itoe palangan besi, maski
poen apa djoega bakal terdjadi, tapi ia soeda tolak akoe poenja kainginan. la tida maoe hoeboengken diri dengen tali nikahan, kaloe itoe malaenkan boeat tambahken djoemblahnja pasangan laki-istri, jang
