— 328 —
boewa! Tapi hatikoe moelahi dapet godahan, satoe pengrasahan, jang misti tinggal bertempat dalem hatikoe, sampe di lobang koeboer. Dari itoe anak, akoe kwatir sekali jang pertjintahan kita tida nanti bisa membri kasenangan sabrapa lama lagi."
„Pada dirikoe poen ampir tida beda terdjadi seperti demikian," kata barones. „Hatikoe tergerak sekali tempo pertama kali meliat padamoe. Akoe liat kaoe sabagi orang bangsawan jang amat hartawan. Kamoedian akoe dapet kanjatahan, kaoe ada satoe radja, dan kaoe poenja kakwasahan telah membikin akoe poenja mata djadi berkoenang-koenang. Akoe lantas mengimpi, dirikoe dengen mendadak soeda djadi permeisoeri, badankoe moeloek, berlajang-lajang diatas joetahan manoesia jang mendjadi rahajat. Itoelah sadja sabenarnja jang mendjadiken akoe poenja katjintahan."
„Tapi apa kaoe taoe apa adanja itoe godahan jang menindih akoe poenja hati? Kaoe taoekah, Caroline, siapa jang membikin akoe dapet pengrasahan begitoe?"
Barones poenja moeka berobah djadi mera, bersenjoem sedikit, kamoedian laloe berkata:
