— 18 —
Barones de Meaublanc laloe dateng mengamperi padanja, sembari tersedoe-sedoe.
„Sri padoeka . . . .”
„Diam,” kata baginda. „Permeisoeri ingin meliat poetra makota boeat penghabisan kali.”
„Boeat penghabisan kali? Tapi . . . .”
Baek permeisoeri, baek poen baginda, tida maoe mendenger bitjaranja barones, hanja lantas masoek kadalem kamar.
„Mana poetra makota?” tanja permeisoeri kamoedian pada doktor, jang berdiri di dekat randjang mait.
Toewan itoe meliat sabentaran pada baginda, kamoedian laloe berkata dengen bongkoki diri:
„Di sini, Sri padoeka!”
Samantara itoe si tjilaka moendoer bebrapa tindak, sembari kempit tangan soeaminja.
„Di sitoe?”
Perkatahan itoe ada dioetjapken sabagi lakoenja orang poetoes harepan, jang ampir loepa diri sendiri.
„O, Alah, Alah!”
Demikianlah permeisoeri berseroe dengen tersedoe-sedoe. Aer matanja toeroen sabagi oedjan jang deres.
