— 50 —
Kamoedian mantri itoe membri persen pada itoe orang soeroehan, jang ditrima dengen mengoetjap banjak trima kasi.
"Sekarang ini tiga kapala,“ kata Hoe-ie pada itoe tiga orang gaga: "lemparken sadja di soengei Piansoei, sedeng kaoe boleh balik kombali pada Lie Kong dan tjeritaken apa jang telah kadjadian."
Ong Thian-teng memanggoet dan bawa itoe tiga kapala, jang sasampenja di kali terseboet lantas dilemparken.
Kamoedian ia mengadep pada Lie Kong dan tjeritaken satoe persatoe, dan warta ini ditrima dengen girang.
Besoknja pagi, waktoe mengadep pada Baginda Kim- tjong, ini mantri besar laloe membri taoe, bahoewa itoe tiga persakitan jang dibawa ka tempat hoekoeman, telah diboenoe orang jang tida kataoean siapa adanja.
"Kerna marika itoe ada ambtenaar-ambtenaar jang rakoes dan kedjem,“ kata Lie Kong lebi djaoe: "boleh djadi rahajat negri jang doeloe hari dibikin sakit hati, satelah denger itoe kabar soeda toenggoe di post pembrentian, harep toeankoe mendjadi taoe.”
Keizer Song Kim-tjong trima itoe kabar dengen adem sadja, kamoedian berkata:
"Boeat kamatiannja Nio Soe-seng, Jo Tjian
