— 40 —
meloekaken hatinja Taysianghong, jang memang ada soeka dan taro kapertjajahan besar padanja.— Tapi akoe poenja pikiran, apa tida baek kaloe diam-diam kita prenta orang boenoe padanja di tenga djalan ? Bagimana Hoe-ie poenja pikiran, satoedjoe atawa tida? Dengen begitoe sabagi menjaboet roempoet bersama akar-akarnja “
„Moefakat betoel, sebab marika itoe memang ada orang-orang djahat, jang soeda ternjata dosanja, jang maski diboenoe mati, belon tjoekoep boeat teboes sagala kadjahatan-kadjahatan jang olehnja telah dilakoeken dalem sepandjang hari jang laloe,“ saoet Liap Djiang: tjoema sadja, dengen akal bagimana Taydjin hendak djalanken itoe pemboenoehan ?“
„Akoe telah pikir satoe akal begini,“ kata Lie Kong jang lantas tjeritaken, bahoewa dalem barisannja ada satoe panglima nama Ong Thiat tiang, saorang kosen jang bernjali besar, djoega tjerdik.
Ini orang boleh dipertjaja boeat disoeroe memboentoeti djalannja itoe semoea persakitan jang berangkat ka tempat pemboewangan, nanti sasampenja di satoe tempat, dimana jang dirasa baek, Thiat-tiang boleh toeroenken tangan, Keizer tentoe tida taoe, atawa sekali poen taoe, nanti dikasi mengarti.
Liap Djiang amat satoedjoe dan poedji jang
