— 241 —
Dari tingka-lakoe dan aer-moekanja ada kaliatan njata, jang di itoe masa Bong-loan ada merasa sarebah salah. Hoei-djin kasi liat klakoeannja jang koerang sabar. Lantaran itoe tida sabrapa lama ia moendoer-madjoe, sigra djoega ia berkata, tapi dengen soeara jang amat tida laloewasa kaloearnja:
„Dia katain saia soeda sangadja pergi djoewal tingka sama ko Hoei-djin."
Djedjaka itoe rasaken hatinja seperti soeda djadi mentjelos dengen mendadak, tatkala dapet denger itoe bitjara. Kakinja seperti soeda tida dapet mengindjak lagi pada moeka boemi, begitoe enteng badannja soeda djadi berobah dalem itoe bebrapa sa'at.
Bong-loan djoega kaliatannja seperti ada merasa djemoe pada dirinja sendiri, kerna sekali poen betoel di itoe masa ia malaenken djadi satoe anak prampoean jang baroe beroesia doewa belas tahon, tapi dibawah pimpinannja ia poenja iboe tiri, soeda membikin ia djadi lebi pagi termasoek dalem golongan dewasa, dan itoe achirnja soeda kedja ia bisa rasaken dengen betoel sekali, apa artinja itoe perkatahan, jang tadi ia soeda oetjapken di hadepannja Hoei-djin.
Sampe berselang sakean lama baroelah djedjaka itoe bisa dapetken soeatoe apa boeat lolosken dirinja dari itoe kasoekeran. Laloe ia berkata:
„Kaloe betoel loe engga apa-apa sama si Sioe-
Pembalesan Kedji
16
