— 239 —
„Soedalah, ko Hoei-djin, kaloe sampe entjim dapet taoe boleh djadi ia nanti mara engga kira-kira sama saia."
„Sama goea loe troesa takoet, Bong-loan, apa sadja loe bilangin sama goea, biar sampe mati djoega loe poenja entjim engga nanti bisa dapet taoe."
Anak prampoean itoe menengok ka kanan-kiri, kamoedian laloe berkata dengen soeara berbisik:
„Entjim poenja adat memang begitoe, kaloe sama orang kajah apa jang kaga?"
Mendenger Bong-loan kata bbegitoe, Hoei-djin berdiam sampe sakean lama. Omongan itoe kaliatan seperti ada menoesoek: ia poenja hati. Ia merasa tida bisa dapetken perkatahan boeat landjoetken ia poenja bitjara.
Samantara itoe si nona laloe berkata poelah:
„Tapi jang saia soeda ngomong ko Hoei-djin misti inget: djangan tjerita sama satoe orang, sebab kaloe sampe entjim dapet taoe, soeda tentoe boekan maen dia poenja mara,"
„Boekan, goea djadi kapingin taoe: apa si engga toewasnja dia maen bengisin sama loe, Bong-loan?"
„Saia si engga bisa kata apa-apa: saia salah si soeda karoeannja; engga salah apa-apa djoega engga oeroengan dimaki-maki. Keh itoe hari jang ko Hoei-djin adjak saia tidoer sama si Sioe-kioe; sabetoelnja saia kliwat katakoetan tinggal di roemah