— 126 —
„Loe samoea soeda pada taoe ? — kaga boleh djadi !" kata lagi Kai-siok. „Tjoba bilang: di roemah jang mana ?“
„Di bekas roemah kosong,“ djawab Han-leng, „tapi djangan nanti loe maen iseng-isengan, sebab salah-salah loe nanti makan pentjarian loe sendiri. Apa loe belon taoe ? — itoe kembang soeda ada jang poenja; jang poenja aliwaris ada di sini, lagi liatin loe poenja tingka.“
„Kaloe maoe ngomong, ngomonglah biar betoel," kata lagi Kai-siok. „Loe ngomong begitoe, sampe sekarang goea belon taoe satoe apa.“
„Kaloe begitoe loe otak kerbo,“ kata It-ban. „Masa orang soeda ngomong sampe begitoe terang loe belon djoega bisa mengarti ?“
„Soedalah goejoer sadja loe poenja kapala sama aer ampat pikoel, soepaja ramboetnja djadi lekas toemboe, tentoe djoega loe lantas nanti mengarti goea poenja bitjara,“ kata poelah Han-leng.
„Ah, soedalah djangan riboetin itoe perkara,“ kata Ban-tjoan. „Anggoeran kita tjari pikiran boeat kita plesir di ini hari Minggoe.“
„Tapi goea djadi kliwat penasaran denger orang ngomong begitoe," kata Kai-siok. ,Pendeknja kaloe Han-leng belon maoe terangin djoega, goea belon maoe soeda. Apa matjemnja si bitjara begitoe sapotong-sapotong ?“
„Ah, kaloe orang soeda dimakan rajap dia poenja
