— 124 —
„Loe samoea bodo keh kerbo,“ kata Ban-tjoan jang sadari tadi tinggal berdiam sadja. „Loe-orang bolehnja riboetin perkara dengen begitoe goblok. Taroh sekarang loe ada hati, habis kaloe loe engga ada oewang boleh ngapain ? Lebi baek sama sekali loe engga ada poenja hati, dan loe lantas mati, sebab kaloe loe soeda engga ada oewang, ini nona-nona jang boto samoeanja tentoe engga maoe ambil perdoeli lagi. Loe boleh kata jang dia ini samoea pada rajapan, tapi loe kira dia-orang maoe kasi rajapnja naek di loe poenja kapala samoeanja kaloe dia engga dapet oewang !“
„Do ba Ban-tjoan si sakalinja bitjara kliwatan amat !" kata Mira dengen bersenjoem oeroeng. „Mentang-mentang si sekarang saia samoeanja engga ada poenja roemah tangga jang tentoe, lantas dihinain sampe begitoe habis-habisan !“
„Eh-eh, goea si ngomong barang jang sabetoelnja,“ kata lagi Ban-tjoan. Seperti goea sadja kaloe soeda engga poenja kerdjahan, engga poenja doeit, apa loe masi maoe liat mata ?“
„Kanapa engga ?“ djawab Mira.
„Apa loe masi soedi bersobat sama goea ?“
„Kanapa engga ?“
„Kaloe goea poenja kapala soeda dimakan rajap, apa loe djoega masi soedi dekatin ?“
„Kanapa engga ?“
„Kaloe begitoe betoel boleh dibilang loe ada
