— 118 —
lantas terdjadi menoeroet sabagimana maoenja.
Achirnja Ban-tjoan terlahir di doenia, dan moelahi itoe waktoe plahan-plahan kasajangannja sang soeami djadi samingkin koerang, hingga sekarang ini, sasoeda ia lahirken toedjoe anak laki-laki, boekan sadja Kek-soen tida menjajang lagi, djoega tida perindahken ia sama sekali.
Itoe samoea telah terdjadi lantaran njonja itoe tida mempoenjai soeatoe sifat jang biasa dinamaken orang: kahaloesannja prampoean. Djadi kaloe doeloe Kek-soen soeda soedi merendah, adalah malaenken ia soeda lemparken dirinja dibawah katjantikan sang istri.
Di doenia soeda loembranja orang taoe : katjantikannja satoe prampoean tida bedah seperti haroemnja satoe boengah, — tapi njonja Kek-soen sampe salamanja tida maoe atawa tida bisa mengarti, sedeng sekarang ia soeda beroesia tiga poeloe toedjoe tahon, tida lagi ia boleh berlakoe seperti pada doewa poeloe tahon jang laloe. Oleh kerna itoe djoega koetika soeaminja melawan dengen kakerasan atas ia poenja tjomelan, lantas ia merasa amat sakit hati dan penasaran.
Sasoeda oering-oeringan dengen tida kadjoentroengan sama sakalian boedjangnja, ia masoek kadalem kamar, dimana lantas ia rebahken diri diatas pembaringan dengen bertjoetjoeran aer mata.
Aken tetapi, boekanlah aer mata kasedihan, sa-
