— 115 —
pergi soeda tinggal sama dia sekarang, djangan indjak lagi satoe kaki di ini roemah! Loe kira baek begitoe, diam-diam toetoep goea poenja mata?
Goea engga bisa apa-apa, tapi Toean Allah engga boeta. Dia nanti koetoekin biar sampe salamanja loe engga selamat !“
„Loe katain goea toewa bangka, tapi sabetoelnja loe jang djadi toewa bangka engga taoe djoentroengan orang! Dateng-dateng loe maen maki sadja kalang-kaboet, tapi pikir toh sedikit djangan keh orang engga poenja otak! Kaloe sabetoelnja goea maoe maen gila, toh goea engga nanti begitoe gila lantas engga poelang-poelang bikin loe sampe dapet taoe ! Goea djoega engga kira soeda misti moedik sampe begitoe lama, makanja djoega goea soeda engga bawa lagi pakean boeat toekaran, sampe di sana misti pindjem pakeh orang poenja tjelana dan badjoe.“
„Soedalah goea sekarang engga nanti bisa pertjaja lagi loe poenja bitjara barang sedikit ! Soeda goea kata loe boleh pergi traoesa balik lagi! Djangan kata laki, biar anak djoega kaloe maoe tinggal goea, dia boleh pergi samoeanja, biar goea tinggal di sini sendirian ! Pendeknja loe boleh piara sampe sapoeloe bini moeda goea tentoe engga bisa larang; tjoema loe misti maloe sama diri loe sendiri : soeda ampir ada poenja mantoe masi bertingka-tingka seperti anak moeda! Tjis, sama djoega binatang begitoe engga taoe diri !“
