— 111 —
habis mengklahi di sitoe; bagoes betoel djadi orang poenja tontonan. Kaloe sampe djadi begitoe, owee djoega toeroet-toeroetan maloe.“
„Anak koerang adjar! Loe kasi taoe sama goea masa boleh kanapa ?“
„Owee djoega belon taoe terang; samoeanja owee boleh dapet denger lagi dari teman-teman. Pendeknja begini da : kaloe sampe ini hari baba engga poelang lagi, besok owee nanti soesoelin sama dia, tapi nona sendiri djangan pergi. Kan djelek kaloe sampe orang boeat tontonan ?“
„Itoe orang jang dia piara anaknja siapa ?“
„Owee engga taoe, tapi taroh owee taoe, tentoe owee engga maoe bilangin sama nona, sebab panas poenja panas salah-salah nona boleh pergi samperin sama mah-bapanja boeat maki-maki. Sabetoelnja boekan mah-bapanja itoe anak jang misti dimaki-maki; dia tentoe orang soesa, djadi apa boleh boeat, boekan memangnja dia soeka kasi anaknja djadi bini moeda orang. Tapi nona poenja adat owee soeda taoe. Kaloe soeda mara lantas engga inget daratan, ngaroet-ngaroet kalang-kaboet.“
Mendenger anaknja kata begitoe, si njonja satengah toewa lantas djadi sengit kombali. Laloe ia berseroe dengen soeara keras:
„Anak koerang adjar ! Loe memang boekan goea poenja anak! Lagi ada perkara begini, boekannja bantoein kita, berbalik djadi kata-katain kita begini-
